السياسة النقدية هي مجموعة من الإجراءات والقرارات البيتخذها البنك المركزي عشان ينظّم عمل القطاع المصرفي في الدولة، لأنه هو المسؤول من البنوك في السودان (أبو البنوك). وبالسياسة دي، البنك المركزي بنظِّم برضو حركة القروش في الاقتصاد، كمّيتها، وتوزيعها، وسرعة تداولها، للحفاظ على استقرار الأسعار وقيمة العملة ودعم النشاط الاقتصادي.
بتطلع كل كم؟
كل بداية سنة، عشان الناس يعرفوا كيف بنك السودان بيدير السيولة، وهل بيضيّقها عشان يكبح التضخم؟ ولا حيوسّعها عشان يسهّل التمويل ويدعم الإنتاج.
أهدافها شنو؟
السياسة النقدية ما محصورة بس في ضبط الأسعار وكبح التضخم والمحافظة على قيمة الجنيه، كمان بتشتغل على إعادة هيكلة الجهاز المصرفي نفسو ومعالجة المشاكل والاختلالات المتراكمة في البنوك، ومنع المضاربات والأنشطة الما عندها أثر حقيقي على الاقتصاد. وهي معنية برضو بكمية القروش في السوق وماشّة وين، وبتخدم شنو، وكيف بتُدار.
أدوات التنفيذ؟
بتشمل نسبة الاحتياطي الإلزامي على البنوك، وتوجيه التمويل بصيَغ المرابحة، والمضاربة، والمشاركة، وتنظيم سقوف التمويل، وإدارة السيولة بين المصارف، والتحكم في الإصدار النقدي والرقابة.
