يعني شنو تضخُّم؟

التضخم في السودان ما حاصل بسبب عامل واحد، لكنْ نتيجة تراكُم عدة أسباب ظهرت بوضوح في السنوات الأخيرة:

أول سبب هو طباعة الكاش لتمويل عجز الموازنة، لما الحكومة تواجه نقص في الإيرادات. وده بزيد كمية الكاش في السوق بدون ما يقابلها إنتاج حقيقي، فبترتفع الأسعار.

السبب التاني، حالياً، هو الحرب وتعطّل الإنتاج، بتوقف المصانع والمطاحن، وقطع طرق الإمداد بين الولايات.

السبب التالت هو التضخم المستورد، لأنه السودان بيعتمد شديد على الاستيراد. ومع انهيار قيمة الجنيه ارتفعت كلفة السلع الجاية من برة زي القمح والوقود والدواء.

وبرضو في سبب رابع مهم، وهو ضعف الثقة وتوقعات الغلاء. لما الناس والتجار يتوقعوا زيادة الأسعار، بيرفعوها بدري، وده ذاته بيساهم في استمرار التضخم.